Turagt aseggas wis 2 (L2), 2020/2021, amesḍis wis sin (S2), Tumẓabt (dialecte amazigh 2), Said Miria
Aseɣti n Ukayad n Tumaẓabt
Ad tafem da aseɣti n ukayad n ulmud n Tumẓabt .
llan yinelmaden ur fhimen ara amek almi i d-wwin tazmilt-nsen (ḍefrem ihi tiririt d wazal tettawi.)
Tamezwarut, llan wid i d-yeqqaren a Massa tefkiḍ-iyi-d 8 ...nekk xedmeɣ ad d-awiɣ 18 ...
Ad ḥsun yinelmaden, aselmad ur yettak ur itekkes, d anelmad i d-yettawin, i d-ittḥawacen tazmilt.
Mi ɛawdeɣ uɣaleɣ ɣer tfertin n wid i d-icetkan, ufiɣ rniɣ-asen, ur asen-kkiseɣ ara.
Akayad iban-d ishel, ladɣa ass n usɛeddi tuget ffɣen deg 30 n dqiqa, ugur i yellan, ur ɣrin ara isteqsiyen akken i iwata.
Tura aqlaɣ deg tallit n yimuras, ssarameɣ-awen imuras yelhan.
D azref n unelmad ad d-icetki, ad iẓer tiferret-is. Deg tuɣalin deg wayyur n ctember wid ibɣan ad ɛiwden aseɣti i tfertin-nsen( une contre correction), ad asen-iɛiwed yiwen n uselmad nniḍen deg tesga (Mass Hamek neɣ Mass Rabḥi). akka i yella lqanun.
Surfet-iyi ad sutreɣ seg yinelmaden ur yi-ttarun ara ɣer tansa-w deg tallit-a n yimuras.
Imuras yelhan, lehna d talwit.
Tanemmirt.