Master 1 tasekla (M1 litt.), 2020/2021, amesḍis wis sin (S2), Méthodologie de la recherche, Chikhi Mokrane

Tamsirt-a n tesnarrayt terza asisen n yiferdisen yerzan tarrayt n tussna i yessemras yal amussnaw i tezrawt n yal ugur ama n tussniwin n ugama naɣ n tussniwin talsanin. Nessasen-d deg temsirt-a ayen i yessemgarden tazrawt tussnant ɣef yisegziyen-nniḍen iḥerfiyen i yigna naɣ uguren icudden ɣer yal taɣult. Nura-d tamsirt s tutlayt n tefransist imi taɣuri-nneɣ i nexdem tella-d deg yidlisen yettwarun s tutlayt-a. Ur nebɣi ara ad nexdem tasuqilt i tmiḍranin s tmaziɣt imi nugad ad nessezgel tigzi i tmiḍranin-a i d-yewwi ad tent-yegzu yal anelmad. Aya s sebba imi ur nufi ara amawal uzzig yerzan timiḍranin n tesnarrayt, ɣas ma s wudem n teẓri teshel tsuqilt-nsent. Dɣa leqdic-a n tsuqilt ad t-yeg unelmad ama di tira n usenfar n tezrawt-is naɣ di tira n uḥric n tesnarrayt n tezrawt-is n Master.